Unë jam Teuta Shabani-Towler, e lindur në Mitrovicë në janar 1976. Në Mitrovicë kreva shkollën e mesme të mjekësisë dhe kam vazhduar studimet në Universitetin Prishtinës, Shkollën e Lartë të Informatikës në lëmin e Informatikës dhe Telekomunikacionit, dega në Mitrovicë.

Kam ka filluar të merrem me shkrime që nga fëmijëria dhe poezitë e mia të para filluan të botohen në revistën e fëmijëve, Pionieri. Gjatë shkollës së mesme dhe studimeve fillova të shkruaj edhe tregime humoristike. Kurse pas luftës në Kosovë, koordinova punën dhe botova revistën për të drejta të grave, “Jeta e Gruas”.  Pas shpërnguljes në SHBA, përsëri fillova të shkruaj.  Kësaj radhe më me seriozitet iu përkushtva një zhanri të ri dhe si rezultat botova romanin e parë kriminalistik të gjuhës shqipe, “Vrasjet dhe Makijazhet” me Njësinë Speciale të Krimeve.

Shkrimet e mia botohen në gazetën Shqiptaro-Amerikane, Illyria që botohet në SHBA, si dhe në disa revista për prindërit e ri, kësaj radhe në gjuhen angleze, Baby Talk dhe American Baby.

Pasioni im vazhdon të jet kriminalistika dhe ngjarjet gjithmonë i  zhvilloj në Kosovë dhe treva të tjera shqiptare.   

Tani jetoj në Karolinën Veriore bashkë me bashkëshortin tim John Towler Jr.  dhe vajzën, Sarën.   Unë jam shumë mirënjohëse bashkëshortit tim, John-it i cili me dashurin dhe përkrahjen vazhdon të më motivon dhe ndihmon që të vazhdoj punën.  Kurse meritën e realizimit të ëndrrave të mia e mundësuan  prindërit e mi, Shukrije dhe Aziz Shabanit.  

Jam e zënë me shkrimin e disa romaneve në të cilat jam duke punuar në të njëjtën kohë.